У Смаргонскім раёне мужчына хацеў абмяняць трусоў на спіртное, а іх скралі
Усё пачалося з таго, што мясцовы жыхар захацеў трохі выпіць, таму прапанаваў суседзям купіць «вушастых» альбо абмяняць іх на спіртное, аднак ніхто з людзей не пагадзіўся. Тады ўладальнік звяркоў пайшоў на працу ў начную змену, а калі на раніцу вярнуўся, 10 трохмесячных трусянят выкралі з хлява, паведамляе гродзенская абласная міліцыя.
Аказалася, што адзін з аднавяскоўцаў ўспомніў, што сусед хацеў прадаць трусоў. Малады чалавек вырашыў самастойна і без ведама гаспадара правесці дадзеную аперацыю. Для гэтага ноччу ў поўнай цемры злодзей залез у хлеў і сабраў у мех «вушастых».
Потым злодзей выпусціў трусаў да суседа, пра што той не быў у курсе. Ён зрабіў гэта, таму што ў сваёй хаце не было ўмоў іх трымаць. У выніку, уладальнік трусоў, выявіўшы прапажу, звярнуўся ў міліцыю. Супрацоўнікі Смаргонскага РАУС ўсталявалі поўную карціну таго, што адбылося, звяркі ў поўным здароўі таксама былі знойдзеныя, аднак перадаць іх усіх гаспадару было не так проста, з-за таго, што вушастыя пастаянна ўцякалі і хаваліся ад людзей.
Цяпер чытаюць
Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі18
Каментары