29 мая прайшлі спаборніцтвы паміж артылерыйскімі падраздзяленнямі буйных злучэнняў Карэйскай народнай арміі па артылерыйскай стральбе, паведамляе Паўночнакарэйскае тэлеграфнае агенцтва.
За вучэннямі назіраў генеральны сакратар Працоўнай партыі Карэі, Старшыня дзяржаўных спраў КНДР, таварыш Кім Чэн Ын.
Паведамляецца, што камандзіры буйных франтавых злучэнняў асабіста кіравалі агнём, артылерыйскія падраздзяленні ўсіх узроўняў, якія ўдзельнічалі ў спаборніцтвах, «у поўнай меры прадэманстравалі дакладную тэхніку артылерыйскага абстрэлу, якую яны адшліфавалі на інтэнсіўных вучэннях, сэрцам падтрымліваючы курс партыі «Трэніроўка — вышэй за ўсё».
«Таварыш Кім Чэн Ын уславіў артылерыйскія падраздзяленні за поспехі на спаборніцтвах, дзе яны паказалі ўсебаковую практычную баяздольнасць нашых артылерыйскіх узброеных сіл, што рыхтуюць сябе як непераможныя баявыя атрады, якія знаходзяцца ў поўнай гатоўнасці да ўступлення ў любую вайну і здольныя абавязкова перамагчы ў ёй. Ён даў станоўчую ацэнку таму, што па ўсёй арміі паслядоўна ўкараняюцца навуковыя сістэмы і рэжымы баявых вучэнняў і адбываецца якасная змена ў умацаванні баявых магчымасцей артылерыйскіх частак у адпаведнасці з асаблівасцямі развіцця сучаснай вайны і тэндэнцыямі яе змены», — гаворыцца ў паведамленні.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення24
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары
[Зрэдагавана]