Прасіў на судзе штраф, бо ў суботу вяселле. Праграміста арыштавалі і асудзілі за БЧБ-адзенне на лоджыі
У судзе Фрунзенскага раёна сёння асудзілі па ч. 1 арт. 23.34 КаАП праграміста Максіма Нікольскага.
Згодна з пратаколам ён «з мэтай публічнага выказвання сваіх палітычных інтарэсаў правёў масавае мерапрыемства, а менавіта пікетаванне шляхам размяшчэння на шкленні акна здымнай кватэры элементаў адзення бел-чырвона-белай расфарбоўкі». Справу разглядала суддзя Марыя Ярохіна, паведамляюць праваабаронцы.
Максіма затрымалі яшчэ ў пятніцу 12 лютага і змясцілі да суда на Акрэсціна. На судзе хлопец вельмі прасіў суддзю прызначыць яму штраф, а не караць «суткамі», бо ў яго ў суботу 20 лютага адбудзецца вяселле.
Суддзя Ярохіна ўсё роўна пакарала Максіма Нікольскага адміністрацыйным арыштам, але толькі 7 суткамі.
На волю хлопец выйдзе за дзень да свайго вяселля.
Каментары