Кавід: смяротнасць у Італіі ў 2020 годзе была самай высокай з часоў Другой сусветнай вайны
У 2020 годзе Італія зарэгістравала больш смерцяў, чым у любы іншы год пасля Другой сусветнай вайны, піша Reuters.
Агульная колькасць смерцяў у Італіі летась склала 746 146, павялічыўшыся на 100 525, або 15,6% у параўнанні з сярэднім паказчыкам за перыяд 2015-2019 гадоў.
Калі ацэньваць перыяд з 21 лютага, калі ў Італіі зафіксавалі выбух COVID-19, і да канца года, то «залішняя смяротнасць» была яшчэ большай — 108 178, што на 21% больш, чым за той жа перыяд у сярэднім за апошнія пяць гадоў.
Інстытут аховы здароўя Istituto Superiore di Sanita афіцыйна паведаміў аб 75 891 смерці ад каранавіруса ў 2020 годзе, што складае каля 70% ад агульнай залішняй смяротнасці.
У гэтым годзе Італія працягвае рэгістраваць сотні смерцяў ад COVID-19. У чацвер абноўлены падлік інстытута складаў 98 974.
Афіцыйна COVID-19 выклікаў 10% смерцяў у Італіі ў мінулым годзе.
У Польшчы арыштавалі былога кіраўніка беларускага «Паспалітага рушэння» — пагражае 10 год за наркотыкі26
Каментары