Рада бяспекі: Вучэнні замежных войскаў каля мяжы ідуць круглыя суткі
Намеснік дзяржсакратара Рады бяспекі Беларусі Уладзімір Арчакоў заявіў, што сёлета вучэнні замежных войскаў ля беларускіх межаў у краінах ЕС ідуць «літаральна круглыя суткі».
Уладзімір Арчакоў. Фота Надзеі Бужан
«Вось уявіце: за 2020 год толькі ў Польшчы, Літве і Латвіі прайшло больш за 70 вайсковых вучэнняў. Сёлета ўжо прайшло, і вядома яшчэ аб 30 вучэннях. Калі нават сабе ўявіць, што кожнае канкрэтнае вучэнне доўжыцца хоць бы тыдзень… то атрымліваецца, што літаральна круглыя суткі кожны дзень абсалютна, без перапынку, каля нашых межаў замежныя войскі адточваюць сваё баявое майстэрства», — заявіў Арчакоў тэлеканалу «Беларусь 1».
Каментары