На таргі на аўкцыённай пляцоўцы «Белрэалізацыя» выставілі долю ў беларуска-багамскім таварыстве «АкваТрайпл». Даўжніком, які валодае гэтым лотам, значыцца кампанія «Трайпл», яе заснавальнік — бізнэсмен Юрый Чыж.
«АкваТрайпл» займаецца вытворчасцю мінеральнай вады і іншых безалкагольных напояў. На таргі выстаўленая доля ў кампаніі памерам 65%. Пачатковы кошт лота — 3 мільёны 844 тысячы рублёў, піша Zerkalo.io.
Уласнік гэтай маёмасці — кампанія «Трайпл», якая належыць апальнага бізнэсоўцу Юрыю Чыжу. Раней ён быў набліжаны да Аляксандра Лукашэнкі, аднак пазней да яго з'явіліся пытанні з боку сілавікоў.
У Эканамічным судзе Мінска на 30 чэрвеня запланавалі чарговае пасяджэнне па справе аб неплацежаздольнасці кампаніі «Трайпл» бізнэсоўца Юрыя Чыжа. Інфармацыя пра гэта з'явілася ў раскладзе суда. На пасяджэнні збіраюцца разгледзець справаздачу антыкрызіснага кіраўніка аб санацыі (прасцей кажучы, аздараўленні, якое можа дапамагчы пазбегнуць банкруцтва).
У ліпені мінулага года кампанію праз суд прызналі эканамічна неплацежаздольнай і прынялі рашэнне аб яе санацыі. Гэта стала магчымым пасля таго, як правялі фінансава-эканамічную экспертызу кампаніі.
Каментары