«Адзінае, за што я падзякаваў канцлеру». Украіна атрымае звышсучасныя СПА IRIS-T ад Германіі
Найноўшая нямецкая сістэма СПА IRIS-T, здольная абараніць тэрыторыю памерам з Кіеў, паступіць ва Украіну ў кастрычніку. Пра гэта паведаміў украінскі пасол у ФРГ Андрэй Мельнік, піша «УП».
«Сістэма IRIS-T — адзінае, за што я падзякаваў і канцлеру, і ўраду за апошнія месяцы. Мы па ёй працавалі з першых дзён вайны. Гэтая сістэма самая крутая ў свеце. Яе можна параўнаць з амерыканскім Patriot. Гэта германскі прадукт. Гэта будзе закупка ў нямецкага вытворцы патрэбнай нам зброі, параметры якой мы вызначылі. Вытворчасць скончыцца ў канцы лета. Затым — навучанне. Пастаўка — у кастрычніку», — сказаў Мельнік.
Па словах пасла, першыя грошы з 1 млрд еўра, закладзенага ў бюджэт Мінабароны Германіі на дапамогу Украіне, будуць выдаткаваныя менавіта на ракетную сістэму IRIS-T.
Доўгія тэрміны пастаўкі амбасадар патлумачыў тым, што гэтыя сістэмы для Украіны яшчэ вырабляюць.
IRIS-T выкарыстоўвае інфрачырвоныя саманаводныя ракеты. Паводле характарыстык, гэтая сістэма СПА здольная абараняць тэрыторыю памерам прыкладна з Кіеў.
Па словах Мельніка, на працягу 3-4 гадоў Украіна зможа паставіць яе вакол гарадоў і найбольш важных абʼектаў.
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы9
Каментары