«Тут браць няма чаго. Да нас пабывалі з Мінабароны». Спецназавец, узнагароджаны «Ордэнам мужнасці», здымаў сваё марадзёрства ва Украіне
Расійскі спецназавец Уладзіслаў Дзятлаў загінуў 25 верасня пры артылерыйскім абстрэле ў сяле Давыдаў Брод Херсонскай вобласці. У інтэрнэце зʼявілася відэа з яго тэлефона, на якім ён выхваляецца марадзёрствам у Херсонскай вобласці. Відэа Дзятлаў здымаў з 28 красавіка да жніўня, але ва Украіне, мяркуючы па словах за кадрам, ён знаходзіўся з зімы. Відэа апублікаваў ютуб-канал «Вайна ва Украіне 2022». Хутчэй за ўсё, тэлефон Дзятлава быў знойдзены байцамі УСУ і перададзены валанцёрам, пішуць «Важныя гісторыі».
28 красавіка Дзятлаў здымае відэа ў двухпавярховым доме ў вёсцы Новая Каменка Херсонскай вобласці, дзе ён «спыніўся на прывал» з таварышам па службе Зухрабам. Мяркуючы па сацыяльных сетках, гэта Зухраб Магамедаў. Мужчыны пʼюць скрадзены алкаголь. «Хутка ўсіх хахлоў пера*бем, б*. Генацыд зробім», — кажа Зухраб. Дзятлаў дадае: «Е*ашыць хоча ўсіх гэтых підарасаў, але мы іх разʼя*ашым, толькі пазней, зараз пасядзім трошкі».
На іншых відэа, запісаных з мая па жнівень у іншых населеных пунктах Херсонскай вобласці, Дзятлаў здымае разбітыя машыны, а таксама праходзіць праз дзясятак жылых дамоў, пакінутых гаспадарамі. У дамах пануе бязладзіца, а Дзятлаў наракае: «Тут ужо і браць няма чаго, тут ужо да нас пабывалі з Мінабароны». Аднак, мяркуючы па відэа, Дзятлаў змог забраць з кінутых дамоў грыўны і залатыя ўпрыгожванні і, як мінімум, катаўся на скрадзеным веласіпедзе.
25 верасня Уладзіслаў Дзятлаў загінуў пры артылерыйскім абстрэле ў сяле Давыдаў Брод Херсонскай вобласці. 4 кастрычніка яго пахавалі. Па словах стваральнікаў відэа, некалькі калег Дзятлава таксама загінулі, яшчэ некалькі — апынуліся ў палоне.
Уладзіславу Дзятлаву было 30 гадоў, ён родам з Курганскай вобласці. Служыў у палку аператыўнага спецыяльнага прызначэння Чачэнскай Рэспублікі. Быў ветэранам баявых дзеянняў, узнагароджаны ордэнам «За службу на Каўказе».
Пасмяротна прадстаўлены да ўзнагароды «Ордэнам мужнасці».
Ва Вконтакте Дзятлаў быў зарэгістраваны як «Уладзіслаў Вецер». На сваёй старонцы ён выкладаў філасофскія цытаты («У гэтым свеце можна шукаць усё, акрамя кахання і смерці. Яны самі цябе знойдуць, калі прыйдзе час», «Не хадзіце па зямлі ганарліва, вам яшчэ ў ёй ляжаць»), а таксама фатаграфіі з паездак па рэгіёнах Каўказа. Месцам працы ў яго на старонцы значыцца Расгвардыя, а таксама пазначана, што ў 94 палку аператыўнага прызначэння ў горадзе Грозны Чачэнскай Рэспублікі ён служыць з 2016 года.
Цяпер чытаюць
Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі7
Каментары