Пасылкі з бомбамі атрымалі іспанскі прэм'ер, Мінабароны краіны і пастаўшчык зброі для Украіны
Пасылкі з бомбамі за апошні час былі накіраваныя іспанскаму прэм'еру Пэдра Санчэсу, у Мінабароны краіны, у спадарожнікавы цэнтр авіябазы Тарэхон-дэ-Ардас, які перадае інфармацыю Украіне, а таксама ў кампанію Instalaza, якая ў тым ліку пастаўляе зброю Кіеву. Пра гэта паліцыя паведаміла Нацыянальнаму суду Рэспублікі, піша газета El Mundo.
Канверт для кіраўніка ўрада перахапілі тыдзень таму, 24 лістапада, падчас надгляду карэспандэнцыі супрацоўнікамі службы бяспекі. Яго адправілі звычайнай поштай, удакладняе выданне.
Раніцай 1 снежня падобны канверт з выбухоўкай прыйшоў на авіябазу ў горадзе Тарэхон-дэ-Ардас у правінцыі Мадрыд. У той жа дзень Міністэрства абароны краіны атрымала яшчэ адзін ліст з выбуховым рэчывам — яго даслалі па пошце з іспанскага адраса.
30 лістапада ў Іспаніі выявілі яшчэ адзін пакет — яго даслалі па адрасе кампаніі Instalaza ў Сарагосе, якая вырабляе ваенную тэхніку. РПГ вытворчасці Instalaza выкарыстоўвае ў тым ліку Украіна ў вайне з Расіяй, адзначае El Periodico. Прадстаўнік урада ў Сарагосе Роза Серана заявіла, што пакет у адрас кампаніі прыйшоў з Украіны.
Па даных El Mundo, бомбы былі «запальнага, а не выбуховага» дзеяння. Прылада спрацоўвала, калі пацягнуць за лёску.
Раней 30 лістапада СМІ паведамілі аб выбуху ў пасольстве Украіны ў Мадрыдзе. Як пазней заявіў кіраўнік дыпмісіі Украіны Сяргей Пагарэльцаў, выбуховае прыстасаванне было ў адной з пасылак, якая, з ягоных слоў, прызначалася для ўкраінскага амбасадара. У выніку выбуху быў паранены камендант пасольства, якому сакратар дыпламата перадаў скрынку.
-
«На дзіва моцна працуе геаграфічны фактар». Выдавец Андрэй Янушкевіч расказаў, як распаўсюджвае беларускія кнігі праз Amazon
-
«Дзяржава лічыць, што ў гэтым праекце, як і ў ёй самой, ёсць начальнікі». Як жыве беларуская Вікіпедыя падчас рэпрэсій
-
Навуковец расказаў пра будучыню цялят, якіх нарадзілі беларускія каровы ад зубра
Цяпер чытаюць
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы7
Каментары