Расійскія сілы, прадстаўленыя наймітамі прыватнай вайсковай кампаніі «Вагнер», за апошнія чатыры дні ўзялі пад кантроль большую частку на ўсходзе Бахмута Данецкай вобласці, і цяпер лінія фронту праходзіць па яго цэнтры па рацэ Бахмутка. Пра гэта гаворыцца ў аглядзе разведвальнай супольнасці Міністэрства абароны Вялікабрытаніі, піша «Еўрапейская праўда».
Адзначаецца, што Узброеныя сілы Украіны працягваюць утрымліваць заходнюю частку Бахмута і разбурылі ключавыя масты праз Бахмутку, «якая працякае з поўначы на поўдзень праз паласу адкрытай мясцовасці шырынёй 200—800 метраў паміж забудаванымі раёнамі».
«Так як украінскія падраздзяленні могуць весці агонь з умацаваных будынкаў на захадзе, гэтая тэрыторыя ператварылася ў «зону смерці», што, верагодна, зробіць яе вельмі складанай для сіл «Вагнера», якія будуць спрабаваць працягнуць свой франтальны наступ на захад», — адзначаецца ў аглядзе.
Брытанская разведка адзначае, што ўкраінскія сілы і іх лініі забеспячэння на захад ад Бахмута застаюцца ўразлівымі да пастаянных спроб сіл РФ абысці абаронцаў з поўначы і поўдня.
Бахмут на працягу апошніх месяцаў застаецца арэнай жорсткіх баёў ва Украіне. Украінскае камандаванне прыняло рашэнне не выходзіць з горада, і тлумачыць гэта тым, што абарона дазволіць знясіліць найбольш баяздольныя расійскія сілы.
У той жа час, як раней адзначала разведвальная супольнасць брытанскага Мінабароны, украінская абарона Бахмута працягвае знясільваць і ўкраінскіх абаронцаў, і расійскіх захопнікаў.
Раней генеральны сакратар НАТА Енс Столтэнберг заявіў, што ўкраінская абарона Бахмута можа пацярпець паражэнне ў найбліжэйшыя дні, аднак гэта не абавязкова стане пераломным момантам у вайне.
У Польшчы арыштавалі былога кіраўніка беларускага «Паспалітага рушэння» — пагражае 10 год за наркотыкі26
Каментары