А вось аб'ём імпарту б/у аўтамабіляў складзе больш за 90%.
Аб`ём рэгістрацыі новых замежных легкавых аўтамабіляў у 2010 годзе ў Беларусі складзе ўсяго 10–11 тысяч машын, што, як мяркуецца, будзе ніжнім пунктам падзення.
Да такой высновы прыйшлі аналітыкі міжнароднага аўтамабільнага холдынгу
Паводле меркавання дырэктара Аддзялення стратэгічнага развіцця холдынгу
Эксперт адзначыў, што развіццё цывілізаванага аўтарынку ў Беларусі будзе поўнасцю вызначацца тэрмінамі і рэальнымі захадамі па фарміраванні Мытнага саюза, а затым і Адзінай эканамічнай прасторы Расіі, Беларусі і Казахстана. У выпадку захавання ў Беларусі розніцы ў пошлінах не на карысць юрыдычных асоб рынак новых аўтамабіляў будзе і далей стагнаваць,
а ў аб`ёме імпарту аўтамабіляў пераважная большасць (больш як 90%) будуць складаць ужываныя машыны.
Акрамя таго, адзначыў эксперт, нават са сціплага аб`ёму новых аўтамабіляў значная частка будзе набывацца фізічнымі асобамі на рынках суседніх краін (у Польшчы, Літве і іншых) і ўвозіцца ў Беларусь па льготных імпартных пошлінах, фактычна папаўняючы падаткамі бюджэты іншых дзяржаў.
Паводле меркавання аналітыкаў холдынгу,
зусім іншы сцэнарый чакае беларускі аўтарынак у тым выпадку, калі ўсе дасягнутыя міждзяржаўныя дамоўленасці будуць выконвацца.
Гэта азначае, што з 1 ліпеня 2011 года пошліны для фізічных асоб у Беларусі павінны быць павышаныя да расійскага ўзроўню, а з 1 студзеня 2013 года (пасля паўтарагадовага «каранціну» для машын, увезеных фізічнымі асобамі Беларусі па нізкіх стаўках) мытнае афармленне машын, якія перамяшчаюцца паміж Расіяй і Беларуссю, будзе поўнасцю спынена. У выніку будзе сфарміраваны практычна агульны аўтамабільны рынак у Мытным саюзе, які дзейнічае па адзіных правілах гульні, лічаць у
Як мяркуюць аналітыкі холдынгу, структура беларускага аўтарынку, пачынаючы з сярэдзіны 2011 года, пачне хутка зрушвацца ў бок расійскай — зніжэнне імпарту ўжываных аўтамабіляў, рост увозу новых аўтамабіляў, у тым ліку іншамарак расійскай зборкі. Рынак Беларусі, які цяпер знаходзіцца значна ніжэй за свой патэнцыял, будзе дэманстраваць высокія тэмпы росту. З часам магчымы прыток замежных інвестыцый, найперш з Расіі — напрыклад, будаўніцтва дылерскіх цэнтраў у Мінску буйнымі расійскімі аўтамабільнымі холдынгамі.
Нагадаем, што ў выніку ўступлення Беларусі ў Мытны саюз стаўкі мытных пошлін на ўвазныя аўтамабілі для юрыдычных асоб зраўняліся з расійскімі. Пры гэтым стаўкі такіх пошлін для фізічных асоб пакуль засталіся ранейшымі.
Каментары