Сёньня былы карэспандэнт дзяржаўнага выданьня «Знамя юности» ў Берасьці Алесь Ляўчук падаў у Берасьцейскі абласны суд скаргу на рашэньне суду Маскоўскага раёну.
Раённы суд, разглядаючы пазоў дзяржаўнай газэты, стаў на бок выданьня ў спрэчцы паміж журналістам і рэдакцыяй. Яшчэ ў сьнежні
Ляўчук палічыў такое рашэньне палітычна матываваным. Свае меркаваньні ён выказаў на Радыё Свабода і ва ўласным блогу. Тады «Знамя Юности» вырашыла, што выказваньні Алеся Леўчука наносяць шкоду дзелавой рэпутацыі і іміджу выданьня, і зьвярнулася ў суд. Суд Маскоўскага раёну Берасьця стаў на бок газэты, кажа Алесь Ляўчук:
«Я павінен прынесьці словы прабачэньня гэтай газэце на іх старонках за свой кошт. Гэта мне будзе каштаваць каля мільёна рублёў. Але сёньня я накіраваў скаргу ў абласны суд Берасьцейскай вобласьці».
Суд Маскоўскага раёну абавязаў былога карэспандэнта газэты «Знамя юности» аплаціць, акрамя публікацыі, і дарожныя выдаткі прадстаўнікоў рэдакцыі, якія прыяжджалі на судовыя паседжаньні:
«Я прашу ў скарзе, каб рашэньне Маскоўскага суду было цалкам анулявана, каб была прызнана мая правата».
Тым часам гісторыю Алеся Леўчука пачалі вывучаць у Берасьцейскім дзяржаўным унівэрсытэце імя Пушкіна. Студэнт журфаку гэтай ВНУ, які папрасіў не называць ягонага імя, паведаміў: канфлікт Ляўчука і газэты «Знамя юности» разьбіраецца на занятках па журналісцкай этыцы. Выкладчык распавёў студэнтам, што рэдакцыйныя заданьні абавязкова павінны выконвацца, кажа адзін са студэнтаў:
«Гэта быў прыклад таго, як нельга паступаць журналістам. Выкладчык на занятках па журналісцкай этыцы распавядаў пра суд, пра нежаданьне Алеся Ляўчука пісаць матэрыялы ў той форме, якая пажадана рэдакцыі. Большасьць студэнтаў ня ведаюць пра акалічнасьці справы, таму практычна ніяк не адрэагавалі. Я ж мяркую, што выкладчыку ня варта было ўзгадваць пра гэты выпадак, тым больш што ў нас быў першы занятак менавіта па гэтым прадмеце».
Юрыст газэты «Знамя юности» Глеб Ганчароў кажа, што ў рэдакцыю яшчэ не прыйшлі дакумэнты, таму камэнтаваць пакуль няма чаго:
«Рэдакцыя захоўвае сваю пазыцыю, мы яе будзем адстойваць у судзе і надалей».
Беларускі IT-мільярдэр Гурскі: Маю першую жонку забіў гемблер5
Каментары