Расійскі машынабудаўнічы холдынг «Рускія машыны», асноўны акцыянер «Групы ГАЗ», адправіў ва ўрад Беларусі пакет дакументаў з варыянтамі супрацоўніцтва «Групы ГАЗ» з Мінскім аўтазаводам (МАЗ), паведаміў гендырэктар «Рускіх машын» Аляксандр Філатаў журналістам 7 кастрычніка ў Маскве.
Як паведамлялася раней, дзяржкарпарацыя «Растэхналогіі», якая валодае 49,9% найбуйнейшага расійскага вытворцы грузавікоў КамАЗ, мінулай зімой прапанавала аб’яднаць яго з МАЗам. У жніўні з’явілася інфармацыя, што, апрача «Растэхналогій», на стварэнне альянсу з МАЗам прэтэндуе і холдынг Алега Дзерыпаскі «Рускія машыны», і ўрад Беларусі вядзе з ім актыўныя перамовы.
«Мы здалі дакументы ў канцы верасня. Зараз яны знаходзяцца на разглядзе кіраўніцтва Беларусі»,- прыводзіць словы Філатава журналістам РІА Новости.
Ён падкрэсліў, што «Рускія машыны» бачаць сур’ёзную сінергію ад супрацоўніцтва з МАЗам». «Нам не крытычна, як рэалізоўваць супрацоўніцтва, — сумеснае прадпрыемства, альянс або іншы фармат», — сказаў ён.
Першы
Першапачаткова бакі разглядалі абмен акцыямі КамАЗа і МАЗа ў межах аб’яднання дзвюх кампаній, але беларускія ўлады адмовіліся ад гэтага варыянту. Затым было прапанавана стварыць СП, у якое будуць унесены 49,9% акцый КамАЗа і 49,9% акцый МАЗа, а таксама цэлы шэраг прадпрыемстваў, якія вырабляюць аўтакамплектуючыя як у Расіі, гэтак і ў Беларусі. Кіраўнік «Растэхналогій» Сяргей Чэмезаў зазначаў, што пакет акцый КамАЗа аб’ектыўна каштуе намнога даражэй, чым аналагічны пакет МАЗа. Паводле слоў Чэмезава, пасля правядзення ацэнкі стане зразумела, якія прадпрыемствы ўвойдуць у СП.
Прэм’
Цяпер чытаюць
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы6
Каментары