Еўрапейскія дыпламаты прыехалі да будынка суда, дзе судзяць Ніну Багінскую
Еўрапейскія дыпламаты прыехалі сёння, 30 мая, да будынка суда Савецкага раёна Мінска, дзе сёння судзяць 78-гадовую Ніну Багінскую.
«Сёння ў адным з мінскіх судоў адбылося слуханне па справе 78-гадовай Ніны Багінскай. Абвінавачанні, вынесеныя супраць яе, несправядлівыя і палітычна матываваныя. Прадстаўнікі дыпламатычных місій у Беларусі сёння ў час слухання прыехалі да будынку суда, каб выразіць салідарнасць з Нінай Багінскай», — гаворыцца на старонцы Пасольства Германіі ў Беларусі.
Ніне Багінскай ствяць у віну артыкул342 ч. 2 (неаднаразовае парушэнне закона аб правядзенні масавых мерапрыемстваў), а аснову абвінавачання складаюць адміністрацыйныя пратаколы і судовыя пастановы за 2024 год.
78-гадовую Ніну Багінскую затрымлівалі дзясяткі разоў. З-за шматлікіх штрафаў у жанчыны адабралі лецішча і зямельны надзел, а пенсію яна гадамі атрымлівае не ў поўным аб'ёме.
Ніна Багінская мае шэраг цяжкіх захворванняў і мае патрэбу ў своечасовым медычным лекаванні. У турэмных умовах яе жыццю можа пагражаць сурʼёзная небяспека.
Жанчыне пагражае да трох гадоў зняволення.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары