Зямельных участкаў у Бараўлянах больш няма і ў найбліжэйшы час не будзе
Бараўлянскі сельскі выканаўчы камітэт паведамляе, што на тэрыторыі сельскага савета прадстаўленне зямельных участкаў на дадзены момант немагчымае і ў бачнай будучыні не плануецца.
Лісты з такім зместам атрымалі шматлікія грамадзяне, якія стаяць у чарзе на ўчасак у Бараўлянскім сельскім савеце.
Галоўная прычына: на тэрыторыі сельсавета папросту няма свабодных участкаў, якія можна было б вылучыць пад будаўніцтва індывідуальнага жылля.
У сельсавеце не рызыкнулі ацаніць імавернасць выдзялення участкаў для тых, хто мае патрэбу ў паляпшэнні жыллёвых умоваў у будучыні, але крыніц, з якіх можна было б папоўніць зямельны фонд для гэтых мэтаў, пакуль не праглядаецца.
Асноўная прычына гэтай з’явы палягае ў заканадаўчых новаўвядзеннях: справа ў тым, што раней участкі можна было ўзяць з сельскагаспадарчых угоддзяў. Зараз жа зрабіць гэта можна будзе толькі з дазволу прэзідэнта. А апошні адназначна збіраецца спыніць практыку выдзялення зямельных участкаў з земляў сельскагаспадарчага прызначэння.
Цяпер чытаюць
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы7
Каментары