Адпачынак з кемпінгам на колах утрымлівае трывалыя пазіцыі ў рэйтынгу відаў турызму ў еўрапейскіх краінах.
Стаянкі для трэйлераў прапануецца ствараць пад Мінскам. Аб гэтым ішла размова на пасяджэнні Мінгарвыканкама, на якім разглядаўся ход выканання Праграмы развіцця турызму на 2011–2015 гады.
Адпачынак з кемпінгам на колах ужо шмат дзясяткаў гадоў утрымлівае трывалыя пазіцыі ў рэйтынгу розных відаў турызму ў еўрапейскіх краінах.Так, у Еўропе налічваецца амаль 2 млн. уладальнікаў трэйлераў (невялікія фургоны, абсталяваныя для падарожжаў), для іх ствараюцца спецыяльныя пляцоўкі з арганізацыяй каналізацыі, водазабеспячэння, электразабеспячэння. Яны ёсць на ўсіх курортах Міжземнамор’я, у цэнтры Прагі, Парыжа, Будапешта і Вены, на гарналыжных курортах і ў месцах правядзення спартыўных мерапрыемстваў.
Асацыяцыя трэйлераў створана і ў Беларусі, у яе ўваходзяць 46 чалавек.
«Вопыт Кіева, дзе праходзіў чэмпіянат Еўропы па футболу, паказаў, што многія балельшчыкі выбіралі менавіта такі спосаб размяшчэння», — адзначыла намеснік начальніка ўпраўлення фізічнай культуры, спорту і турызму Мінгарвыканкама Святлана Дзямешка.
Як паведаміў намеснік старшыні Мінгарвыканкама Ігар Карпенка, цяпер разглядаецца пытанне арганізацыі стаянак для трэйлераў пад Мінскам. Прапануецца ў якасці пляцовак выкарыстоўваць тэрыторыі загарадных лагераў і санаторыяў. У прыватнасці, праект на 20
«Трэба падлічыць эканамічны эфект ад рэалізацыі праекта. Калі ён будзе выгадны, то ў далейшым такія стаянкі могуць з’явіцца і на базе іншых арганізацый, у тым ліку з удзелам капіталу ўласнікаў», — сказаў Ігар Карпенка.
-
Адзіная дачка футбаліста Бялькевіча амаль нічога не памятае пра бацьку. Нарадзілася ў Кіеве, а цяпер у Расіі рвецца на ТБ
-
«У мяне на працы зніклі ўсе «ящики», засталіся толькі шуфлядкі». Дзяўчына з Віцебска падзялілася, як масквічы яе не разумеюць
-
На самай вяршыні піраміды Хеопса ў Егіпце заўважылі сабаку
Каментары