Найхуткімі тэмпамі нарошчваюць актывы і капітал банкі, створаныя пры ўдзеле буйных замежных фінансавых структураў — Прыорбанк, Белгазпрамбанк, Белросбанк ды інш.
Імклівае разьвіцьцё фінансавай сыстэмы краіны справакаваў рост патрэбы беларускіх прадпрыемстваў у крэдытаваньні, паведамляе газэта «Белорусы и рынок». Рост крэдытаваньня пачаўся ў другой палове мінулага году і працягваецца дагэтуль. Да студзеня 2007 г. найбольш папулярнымі былі крэдыты ў замежнай валюце, аднак да канца вясны крэдытаваньне ў беларускіх рублях аднавіла свае пазыцыі.
На сёньня актывы пяці найбуйнейшых банкаў Беларусі перасягнулі мяжу ў 1 мільярд даляраў ЗША. Лідэры банкаўскага рынку маюць адносіны капіталу да актываў па стане на 1 красавіка 2007 г. ніжэй за 20%. Гэта сьведчыць пра тое, што буйныя банкі больш эфэктыўна выкарыстоўваюць капітал, чым драбнейшыя, у якіх гэты паказчык перавышае 20%, роўны яму, альбо складае да 50%.
З павелічэньнем попыту на крэдыты ўзрасьлі і банкаўскія стаўкі.
Адначасова з ростам колькасьці банкаўскіх апэрацыяў назіралася адставаньне павелічэньня рэнтабэльнасьці капіталу. Гэта тлумачыцца акумуляваньнем прыбыткаў ад крэдытаваньня ў банкаўскіх рэзэрвах. Так, па выніках першага кварталу аб’ёмы адлічэньняў у рэзэрвы склала 42,6 млрд бел. руб. — 44% ад чыстага прыбытку. Напрыканцы вясны 2007 г. Сытуацыя палепшылася і прыбытак беларускіх банкаў павялічыўся на 32% у параўнаньні з паказчыкамі мінулага году. Тэмпы крэдытаваньня айчыннай эканомікі не зьніжаюцца, канстатуе «БР».
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі6
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2727
Каментары