Пакуль у перамовах удзельнічаюць адна партыя і дзве грамадскія ініцыятывы.
Апазіцыйныя сілы вядуць перамовы па вызначэнні адзінага кандыдата на прэзідэнцкіх выбарах 2015 года. Як паведаміў Еўрарадыё лідар руху «За свабоду» Аляксандр Мілінкевіч, у перамовах пакуль удзельнічаюць тры структуры — рух «За Свабоду», Партыя БНФ і кампанія «Гавары праўду».
Аляксандр Мілінкевіч: «Аўтарытарны рэжым патрабуе кансалідацыі ў выглядзе адзінаабранага кандыдата. Такую працу мы вядзем. Проста яна кулуарная, яна не публічная, але прасоўваемся. І я думаю, выпрацуем, як мінімум, падыход».
Пакуль дзяліцца папярэднімі вынікамі перамоваў палітык не пажадаў. Але заўважыў, што калі адзінага кандыдата на прэзідэнцкіх выбарах 2015 года не будзе, то і ўдзельнічаць у іх не мае сэнсу. Як не мае сэнсу і байкот.
Аляксандр Мілінкевіч:
«У прэзідэнцкай кампаніі абавязкова трэба ўдзельнічаць. Ніякіх байкотаў не варта рабіць, бо гэта яшчэ больш дыскрэдытуе нас. Але без адзінага кандыдата няма чаго ўвогуле ўдзельнічаць. Хадзіць там групамі па некалькі чалавек з рознымі праграмамі, з рознымі мэтамі, я лічу, проста сорамна».
Мілінкевіч выказвае спадзяванне, што да іх трох структур у хуткім часе далучацца іншыя «вялікія групы дэмакратычнай супольнасці» і яны разам паспрабуюць вызначыць агульны падыход да выбараў прэзідэнта.
Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!55
Каментары