AliExpress перавёў беларускія акаўнты на разлікі ў беларускіх рублях без права выбару валюты. Выходзіць значна даражэй
Карыстальнікі AliExpress з Беларусі заўважылі, што гандлёвая пляцоўка перавяла іх акаўнты на разлікі ў беларускіх рублях. Магчымасць выбраць даляр або іншую валюту ў дадатку і на сайце стала недаступнай — поле запыту паказваецца неактыўным (шэрым), піша «Смартпрэс».
Падчас абмеркавання ў інтэрнэце гэтага абнаўлення беларусы адзначаюць, што курс на пляцоўцы прыкметна вышэйшы за афіцыйны і банкаўскі: замест 2,89 рубля за даляр AliExpress выстаўляе курс 3,15-3,19 рубля.
Па словах карыстальнікаў, гэта прыводзіць да падаражэння пакупак на 8-10%.
Сітуацыю пагаршае шматступенная канвертацыя: цана паказваецца ў беларускіх рублях, спісанне адбываецца ў далярах, а затым банк зноў пераводзіць суму ў рублі — часам праз еўра (у залежнасці ад карты і банка). У выніку канчатковая сума аказваецца вышэйшай за чаканую, наракаюць беларусы.
Спробы абысці абмежаванні з дапамогай VPN, розных браўзераў або чыстка cookie даюць толькі часовы эфект або не працуюць наогул. На фоне раней уведзенага ПДВ карыстальнікі ўсё часцей называюць AliExpress «фактычна адключаным» для Беларусі.
Заснавальнік «Бусліка» расказаў пра новую гісторыю праекта
«Поўны фарш, а цана як у пустой Tesla». Чым (не) задаволеныя ўладальнікі кітайскіх электрамабіляў
Тыкток кідае выклік «Амазону» і становіцца новым лідарам у інтэрнэт-гандлі
Са снежня ў Беларусі запрацуе «фінансавы маркетплэйс» з акцыямі і аблігацыямі дзяржаўных прадпрыемстваў
Некаторыя іпэшнікі з новага года не змогуць гандляваць праз маркетплэйсы
Каментары