Сары Дзафцэ была вымушана развітацца з тытулам «Міс Фінляндыя» усяго праз тры месяцы пасля перамогі ў конкурсе 2025 года. Арганізатары конкурсу прынялі рашэнне аб дыскваліфікацыі дзяўчыны на фоне гучнага скандалу, выкліканага неадназначным фотаздымкам у сацыяльных сетках.
Хвалю крытыкі, як паведамляе Onet.pl, справакавала фатаграфія, якая з'явілася ў сеціве ў канцы лістапада. На ёй Сара Дзафцэ дэманструе жэст, які традыцыйна лічыцца кпінай з рысаў твару ўсходнеазіяцкіх народаў (звужэнне вачэй пальцамі), з подпісам «Ем з кітайцам».
Арганізатары конкурсу «Міс Фінляндыя» абвясцілі пра пазбаўленне дзяўчыны тытула падчас прэс-канферэнцыі 11 снежня ў Хельсінкі. Карона была перададзена першай віцэ-міс Тары Лехтонен.
Варта адзначыць, што сама экс-пераможца мае інтэрнацыянальнае паходжанне. Яе маці — фінка, а бацька родам з Косава. Аднак мультыкультурны бэкграўнд не засцярог дзяўчыну ад неабдуманага ўчынку, які каштаваў ёй кар'еры.
Падчас прэс-канферэнцыі Дзафцэ заявіла, што рашэнне аб пазбаўленні тытула было прынята сумесна з арганізатарамі. Яна папрасіла прабачэння ў азіяцкай супольнасці і ўсіх, каго пакрыўдзілі яе дзеянні. Аднак дзяўчына паспрабавала апраўдацца, патлумачыўшы жэст фізічным недамаганнем (галаўным болем і ціскам у вачах), а з'яўленне спрэчнага подпісу спісала на сваю сяброўку, якая нібыта зрабіла гэта без яе ведама.
Як паведамляе выданне, гэта не адзіны інцыдэнт з удзелам экс-міс. Раней яна сутыкнулася з асуджэннем за відэа з бізнэс-класа Finnair. «Людзі выказваюць нянавісць, калі я ў бізнэс-класе Finnair», — адзначала яна ў роліку, што многімі было ўспрынята як праява грэблівасці і фанабэрыстасці. Пазней відэа было выдалена, а Дзафцэ апублікавала прабачэнні ў Instagram, заявіўшы пра жаданне зрабіць высновы з гэтай сітуацыі.
Гісторыя атрымала нечаканы працяг у палітычнай сферы. Дэпутат фінскага парламента і старшыня Камітэта па прававых пытаннях Юха Ээрола выклаў у Facebook фота, на якім парадыруе жэст Дзафцэ.
Адказваючы на пытанне фінскага тэлеканала Yle, палітык патлумачыў свой учынак жартам і заявіў, што не лічыць гэты жэст расісцкім ці абразлівым, хаця і прызнаў, што некаторыя могуць успрыняць яго менавіта так. Дэпутат падкрэсліў, што, на яго думку, гэта не лічыцца агульнапрызнанай праявай расізму.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары
Можно подумать - большая цаца.