Упалі сусветныя цэны на калій — другую па значнасці крыніцу экспартных даходаў Беларусі
Канадская кампанія Canpotex і кітайскі канцэрн Sinochem падпісалі кантракт на пастаўку Кітаю 1 мільёна тон хлорыстага калію па цэнах, ніжэйшых за папярэднія на 70 даляраў. У 2012 годзе «Беларуськалій» адгружаў Кітаю калій за 470 даляраў тону. А ў Індыю нават за 490 даляраў.
Беларуская калійная кампанія — трэйдар «Беларуськалія» і «Уралкалія» — гэта найбуйнейшы прадавец калійных угнаенняў у свеце. Канадцы займаюць другое месца на рынку.
Зніжэнне цэнаў звязваюць з ростам складскіх запасаў калію ў Кітаі і эканамічнай прабуксоўкай у Індыі.
Падзенне цэнаў на калій можа прывесці да падзення экспартных прыбыткаў Беларусі ў 2013 годзе і росту дэфіцыту бягучага рахунку. Краіне могуць спатрэбіцца новыя замежныя запазычванні або прыватызацыя, каб стачыць канцы з канцамі. Папярэдняе падзенне цэнаў на калій адбылося ў 2009 годзе на хвалі сусветнага фінансавага крызісу.
Цяпер чытаюць
Як рыхтаваўся візіт Ціханоўскай у Кіеў і чаму ён некалькі разоў пераносіўся12
Каментары