У Акадэміі навук вучаць штучны інтэлект кіраваць раскладам гарадскога транспарту
У Беларусі распрацоўваюць інтэлектуальныя сістэмы, якія ў будучыні змогуць у рэальным часе адаптаваць працу гарадскога транспарту да патрэб горада і яго жыхароў. Пра гэты кірунак развіцця гарадской інфраструктуры расказаў галоўны навуковы супрацоўнік лабараторыі матэматычнай кібернетыкі Аб’яднанага інстытута праблем інфарматыкі НАН Беларусі Міхаіл Кавалёў.
Па словах навукоўца, традыцыйныя метады складання раскладаў ужо не заўсёды здольныя даць рады сучасным умовам. Гарадское жыццё пастаянна змяняецца: на колькасць пасажыраў і рух транспарту ўплываюць надвор’е, заторы, масавыя мерапрыемствы, сезоннасць і іншыя фактары. Таму аператыўна ўлічваць усе гэтыя абставіны ўручную дыспетчарам становіцца ўсё больш складана.
У Аб’яднаным інстытуце праблем інфарматыкі НАН Беларусі для вырашэння такіх задач распрацоўваюць так званыя «алгарытмы ад прыроды». Гэта складаныя матэматычныя мадэлі, здольныя шукаць аптымальныя рашэнні для задач з тысячамі пераменных за лічаныя хвіліны. Для чалавека разлік такіх варыянтаў мог бы займаць гадзіны.
Выкарыстанне нейрасетак і іншых тэхналогій штучнага інтэлекту дазваляе больш эфектыўна планаваць маршруты, размеркаваць транспарт і эканоміць рэсурсы.
Аднак, паводле слоў Міхаіла Кавалёва, галоўная карысць ад такой лічбавізацыі не толькі ў эканоміі сродкаў. Найбольш каштоўным вынікам становіцца эканомія часу людзей — як пасажыраў, так і работнікаў транспартнай сістэмы.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў34
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары