Жанна Літвіна і Андрэй Бастунец перадалі ў профільную камісію палаты прадстаўнікоў прапановы арганізацыі па змене закона «Аб СМІ».
22 студзеня з кіраўнікамі Беларускай асацыяцыі журналістаў сустрэўся старшыня камісіі правоў чалавека, нацыянальных стасункаў і сродкаў масавай інфармацыі Андрэй Навумовіч, паведамляе
У дакуменце, які дэпутат прыняў і абяцаў разгледзець, пералічана 15 канкрэтных прапановаў і фармулёвак.
Сярод недахопаў, якія, на думку БАЖ, патрабуюць заканадаўчага выпраўлення, — дазвольны парадак рэгістрацыі новых СМІ; невыканальныя патрабаванні да выдавецтваў малатыражных выданняў; ускладненне дзейнасці
Яшчэ да прыняцця закона «Аб СМІ» чатыры гады таму журналісцкая арганізацыя вылучала шэраг прапановаў да яго зместу. Некаторыя з іх (7 з больш чым 30) дэпутаты палаты прадстаўнікоў улічылі пры разглядзе дакумента ў другім чытанні.
Разам з тым, ідэю правядзення парламенцкіх слуханняў на гэтую тэму тагачасны старшыня камісіі Юрый Кулакоўскі адхіліў, спаслаўшыся на «адсутнасць практычнага вопыту рэалізацыі палажэнняў» новага закона.
«На сёння такі вопыт напрацаваны, — мяркуюць у БАЖ. — Практыка прымянення закона „Аб сродках масавай інфармацыі“ паказала яго слабыя бакі, на якія ГА „Беларуская асацыяцыя журналістаў“ звяртала ўвагу яшчэ на стадыі прыняцця…»
Журналісцкая арганізацыя прапануе камісіі правесці слуханні на тэму заканадаўства аб СМІ, разгледзець прапанаваныя ГА «БАЖ» змены і пачаць публічнае абмеркаванне Закона «Аб СМІ» і практыкі яго прымянення.
«Усе гэтыя праблемы патрабуюць шырокага ўсебаковага абмеркавання і выкаранення, — кажа старшыня БАЖ Жанна Літвіна. — Спадзяемся, палата прадстаўнікоў адкажа на наш заклік».
Цяпер чытаюць
«Лукашэнка проста не ведае». Ябацьку, які выкладаў у тыкток відэа пра булінг дачкі, пасадзілі на паўтара месяца3
Каментары