А ў чым сэнс?
Брытанскі мастак Дэвід Шрыглі прадае гіганцкую гару старых згнілых канатаў за адзін мільён фунтаў стэрлінгаў (гэта 1,3 мільёна даляраў), піша Bild.
Доўгія месяцы ён ездзіў па Вялікабрытаніі і збіраў старыя вяроўкі ў партах, майстэрнях і рыбалоўных прадпрыемствах. Гэтая абсурдная гара важыць як двухпавярховы аўтобус — 10 тон, а даўжыня ўсіх вяровак складае 32 км.
Шрыглі ганарыцца сваім тварэннем:
«Гэтая выстава пачалася з выразу: старая вяроўка бескарысная і яе цяжка перапрацаваць, таму валяецца паўсюль. Я падумаў: што калі я зраблю з гэтага літаральна выставу старых вяровак? А затым скажу: так, гэта мастацтва, і так, вы можаце купіць яго за мільён фунтаў. […] Гэтая работа існуе таму, што мяне цікавіць каштоўнасць, якую людзі надаюць мастацтву. Я лічу, што мільён фунтаў — гэта разумны кошт, збольшага праз ідэю і збольшага таму, што гэта значная колькасць вяроўкі».
Мастацкі крытык брытанскай The Sun пярэчыць:
«Гэта самы абсурдны праект, які я калі-небудзь бачыў. Магчыма, яму варта зноў заняцца сапраўдным мастацтвам, замест таго каб адцягваць увагу людзей купамі смецця».
Тым не менш са снежня гэтую кучу можна будзе ўбачыць — «Выстава старых вяровак» адбудзецца ў галерэі Стывена Фрыдмана ў Лондане.
Дэвід Шрыглі вядомы сваімі мудрагелістымі, гумарыстычнымі малюнкамі, скульптурамі, інсталяцыямі і публікацыямі. У 2020 годзе ён атрымаў рыцарскі ордэн Брытанскай імперыі (OBE) у прызнанне яго заслуг у выяўленчым мастацтве.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары
Гэтая работа існуе таму -- Гэтая ПРАЦА --- мастацкі твор - гэта "праца"