Крымскія журналісты апублікавалі відэа расстрэла мэра Сімеіза
Кірыл Кастэнка быў забіты стрэламі з аўтамата 26 лютага.
Украінскі «Цэнтр журналісцкіх расследаванняў» апублікаваў фрагменты відэазапісу з вэб-камеры гатэля насупраць пасялковага савета Сімеіза, на якім захаваліся кадры расстрэлу мэра пасёлка Кірыла Кастэнкі 26 лютага.
На кадрах бачна, што адразу за «Мэрсэдэсам» Кастэнкі да стаянкі побач з пассаветам пад'ехаў аўтамабіль ВАЗ-2101, які спыніўся каля парапета. З «капейкі» з месца кіроўцы выйшаў мужчына з аўтаматам. Аўтамабіль Кастэнкі спыніўся вышэй стаянкі. Мэр адчыніў дзверы, у гэты момант мужчына з аўтаматам падышоў да парапета і зрабіў серыю стрэлаў у адчыненыя дзверы аўтамабіля Кастэнкі.
Пасля гэтага мужчына хутка з'ехаў. На відэа выразна відаць, што да зброі быў прывязаны пакет, куды адляталі адстраляныя гільзы — таму на месцы злачынства не было выяўлена ні адной.
Таймер камеры зафіксаваў час забойства — 8.41 раніцы. На месца расстрэлу праз некалькі хвілін выбеглі людзі з пассавета.
Неўзабаве каля гары Котка быў знойдзены спалены аўтамабіль ВАЗ з пашкоджаным аўтаматам, з якога меркавана быў расстраляны мэр Сімеіза.
Паводле адной з версій следства, забойства Кастэнкі звязана з ягонай прафесійнай дзейнасцю.
Тамара Віннікава прадала свой лонданскі дом, завешаны карцінамі самой сябе ШМАТ ФОТА23
Каментары