Жыхарка вёскі Доўнары Іўеўскага раёна падазраецца ў крадзяжы грашовых сродкаў шляхам злоўжывання службовымі паўнамоцтвамі.
Як паведамілі ў аддзяленні інфармацыі і грамадскіх сувязяў УУС Гродзенскага аблвыканкама, жанчына, працуючы загадчыцай збожжасклада філіяла аднаго з прадпрыемстваў Гродзенскай вобласці, на працягу некалькіх месяцаў у 2012 годзе ўносіла ў табелі ўліку працоўнага часу заведама непраўдзівыя звесткі. Гэта дазволіла ёй прысвоіць пэўную суму грошай.
Жанчына прымяняла схему з «мёртвымі душамі». У табелі ўліку працоўнага часу яна ставіла гадзіны людзям, якія афіцыйна не працавалі на прадпрыемстве і нават не падазравалі, што іх анкетнымі звесткамі хтосьці карыстаецца. Воляй загадчыцы збожжасклада чатыры фіктыўныя рабочыя працавалі паляводамі, і ім налічвалася зарплата, якую пакідала сабе падазроная. Размова ідзе прыкладна аб трох мільёнах рублёў. Паводле слоў жанчыны, на такі ўчынак яе штурхнула беднасць. Ва ўчыненні злачынства яна прызналася.
Мікола Бугай: Трэба перагарнуць старонку 2020-га і пачаць жыць новымі рэаліямі68
Каментары