Каб дагнаць п’янага парушальніка, баранавіцкім ДАІшнікам давялося плыць за ім па рэчцы
Экіпаж ДАІ, які праязджаў увечары 31 мая паўз поле паблізу вёскі Палонка, убачыў незвычайную карціну: па полі, сігналячы і міргаючы фарамі, ледзь не сярод статку кароў ездзіць аўтамабіль «Фольксваген».
Супрацоўнікаў ДАІ зацікавіў такі, мякка кажучы, незвычайны спосаб пасвіць жывёлу, яны паехалі насустрач аўтамабілю, піша Intex-press.
46-гадовы кіроўца «Фальксвагена» пабачыў патруль і паспрабаваў схавацца, аднак далёка з'ехаць не змог — дарогу заступіла рака. Але мужчына не разгубіўся, схапіўшы з салона бутэльку гарэлкі, ён кінуў машыну і, адсёрбваючы на хаду з бутэлькі, забег у раку і паплыў.
Каб злавіць парушальніка, супрацоўнікам ДАІ нічога не заставалася, як плыць за ім.
Пасля таго, як кіроўцы затрымалі, яго даставілі на агляд у наркалогію. У крыві мужчыны медыкі выявілі 1,3 праміле алкаголю.
Кіроўца, які ў мінулым годзе быў пазбаўлены вадзіцельскага пасведчання за кіраванне ў п'яным выглядзе, растлумачыў, што калі ўбачыў патрульную машыну, спалохаўся, што яго аштрафуюць за адсутнасць правоў, таму і ўцёк.
На парушальніка склалі чатыры адміністрацыйныя пратаколы, машыну паставілі на штрафстаянку.
Цяпер чытаюць
Мінск сёння вечарам пагрузіўся ў цемру. Пасля загаду Лукашэнкі37
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары