Дэпутат Еўрапарламента Марэк Мігальскі ўнёс 20 паправак у даклад аб сітуацыі ў Беларусі, які быў падрыхтаваны Юстасам Палецкісам для Еўракамісіі, Савета ЕС і Службы знешніх дзеянняў Еўракамісіі. Пра гэта паведамляецца на сайце Мігальскага.
"Пазіцыя Еўрапарламента па Беларусі павінна быць рашучай і паслядоўнай, — заявіў Мігальскі. — Мы павінны падтрымліваць грамадзянскую супольнасць, нагадваць аб палітычных зняволеных і сачыць, каб праваабаронцы былі ў бяспецы. Таксама неабходна паказаць Лукашэнку, што ЕС не згодны з яго палітыкай".
Найбольш важныя з унесеных паправак тычацца праблем масавых арыштаў, палітычна матываваных крымінальных спраў супраць прадстаўнікоў апазіцыі і рэпрэсій супраць праваабаронцаў і незалежных СМІ.
Акрамя таго, Мігальскі нагадаў пра палітвязняў у Беларусі, у тым ліку пра Алеся Бяляцкага.
Таксама Мігальскі адзначыў, што на саміт Усходняга партнёрства восенню ў Вільнюс павінны быць запрошаны прадстаўнікі беларускай апазіцыі.
Нагадаем, справаздача дакладчыка дэлегацыі Еўрапарламента па Беларусі была падрыхтавана для Еўракамісіі, Савета ЕС і Службы знешніх дзеянняў Еўракамісіі па выніках візіту Юстаса Палецкіса ў Мінск 18—21 сакавіка і выклікала неадназначную рэакцыю ў Беларусі. Прадстаўнікі апазіцыі і праваабаронцы раскрытыкавалі словы аб паляпшэнні сітуацыі з правамі чалавека ў краіне ў 2012 годзе. Палецкіс, у сваю чаргу, сцвярджае, што такую выснову ён зрабіў на падставе інфармацыі беларускіх праваабаронцаў. Пазней еўрадэпутат прызнаў: фармулёўка аб "паляпшэнні сітуацыі з правамі чалавека" ў справаздачы няўдалая і будзе зменена.
Другі вайсковец, які загінуў пры аварыі МАЗа пад Асіповічамі — 21‑гадовы тэнісіст з Віцебска1
Каментары