У Бразіліі заўзятары адрэзалі галаву суддзі, які пырнуў футбаліста
На поўначы Бразіліі футбольныя заўзятары адрэзалі галаву суддзі, які смяротна параніў нажом гульца, які адмовіўся пакінуць поле, паведамілі прадстаўнікі ўладаў.
Трагедыя разыгралася ў штаце Маран’ян падчас матчу двух аматарскіх каманд. Раз’юшаныя заўзятары выбеглі на поле і да смерці забілі камянямі суддзю Атавія да Сілву. Пасля таго, як ён перастаў дыхаць, яму адрэзалі галаву.
Як паведамілі прадстаўнікі паліцыі, гэта было рэакцыяй на дзеянні да Сільвы, які ўдарыў нажом гульца Жасеніра душ Сантуша.
У сувязі з гэтым забойствам арыштаваны
Крывавы інцыдэнт адбыўся ў аддаленым мястэчку штата яшчэ 30 чэрвеня, але вядома пра яго стала толькі цяпер. Па словах прадстаўнікоў Міністэрства грамадскай бяспекі, пачалося ўсё з бойкі паміж суддзёй і гульцом, які адмовіўся пакінуць поле, пасля таго як атрымаў чырвоную картку.
Да Сілва раптам выцягнуў нож і параніў гульца, які памёр па дарозе ў бальніцу.
Як сказана ў заяве міністэрства, сябры і сваякі футбаліста, накіраваліся на поле, забілі суддзю камянямі і адрэзалі яму галаву.
«Мы знойдзем усіх датычных да гэтага забойства і арганізуем ім судовы працэс», — заявіў кіраўнік паліцыі Вальтэр Кошта, словы якога цытуюць мясцовыя сродкі масавай інфармацыі.
«Адно злачынства ніколі не можа служыць апраўданнем для іншага», — дадаў ён.
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары