Нацбанк «заахвочвае» камерцыйныя банкі скупляць дзяржаўныя валютныя аблігацыі
Норма абавязковага рэзервавання прыцягнутай валюты для банкаў павялічваецца з 12% да 14%, але на пакупнікоў дзяржаўных аблігацый не распаўсюджваецца.
Нацбанк прыняў рашэнне павысіць норму абавязковага рэзервавання прыцягнутых сродкаў у замежнай валюце з 12% да 14%.Дакумент накіраваны на прававую экспертызу ў міністэрства юстыцыі.
То бок калі кліент паклаў у банк $1000, установа мусіць трымаць у рэзерве $140, а не $120, як раней.
Адначасова Нацбанк прыняў рашэнне ўнесці валютныя аблігацыі ў ламбардны спіс каштоўных папер, якія прымаюцца Нацбанкам у заклад пры рэфінансаванні банкаў, а таксама вызваліць сродкі банкаў, накіраваныя на куплю валютных дзяржаблігацый, ад фарміравання фонду абавязковых рэзерваў.
Такім чынам Нацбанк спрыяе прывабнасці рублёвых ашчаджэнняў у параўнанні з валютнымі і стымулюе камерцыйныя банкамі да куплі дзяржаўных валютных аблігацый, што дасць магчымасць дзяржаве папоўніць залатавалютныя рэзервы.
Папярэдняе павышэнне нарматыву абавязковага рэзервавання адбылося ў жніўні 2012 года. Нарматыў адлічэнняў быў павышаны з 10% да 12%. Адным з наступстваў гэтага стала памяншэнне рублёвай ліквіднасці ў банкаўскай сістэме і рэзкі рост ставак на рынку міжбанкаўскіх крэдытаў.
Цяпер чытаюць
Пяць дзён, 60 удзельнікаў, саўна, більярд і крыкі адно на аднаго. Расказваем, як прайшла закрытая «гульня Мацкевіча»57
Каментары