Украінскія блогеры сфатаграфаваліся ў Мінску на гадзінніку насупраць КДБ — фоты
Украінскія блогеры выклалі на старонцы суполкі «Гэта Мінск, дзетка» ў сацыяльнай сетцы «Укантакце» фотаздымкі Мінска, зробленыя з дахаў дамоў. У тым ліку і з дому з гадзіннікам насупраць будынка КДБ на праспекце Незалежнасці. Такім чынам, яны паўтарылі зробленае расійскімі руферамі, якія ў верасні 2011 года забраліся ў самыя закрытыя месцы беларускай сталіцы.
«Фотаздымкі зрабілі тры дні таму. Хлопцы былі ў Мінску праездам. Трапіць на дахі было не асабліва складана», — расказаў сайту charter97.org адзін з рэдактараў суполкі.
Украінскія руферы сярод іншага сфатаграфавалі плошчы Перамогі і Незалежнасці, зрабілі здымкі з даху чыжоўскага дома ў Траецкім.
Цяпер чытаюць
Колькі беларусаў галасавала за Лукашэнку на ранейшых выбарах? Апублікаваныя закрытыя лічбы дзяржаўных апытанняў13
Каментары