Жыхара Баранавічаў, які збіў свайго былога настаўніка, прысудзілі да шасці месяцаў арышту
На судзе 22-гадовы хлопец цалкам прызнаў сваю віну, пакаяўся і распавёў, што не збіраўся зьбіваць выкладчыка, а ў школу прыйшоў проста, каб папіць вады.
Беспрэцэдэнтны для Баранавічаў выпадак адбыўся ў маі гэтага года ў адной з гарадскіх школ.
Па словах відавочцаў, незадоўга да здарэння хлопца разам з сябрамі бачылі на стадыёне школы: маладыя людзі пілі піва. На судзе, аднак, малады чалавек сказаў, што ў тую раніцу быў цвярозым. Як было насамрэч, невядома, бо затрымалі маладога чалавека толькі ўвечары таго ж дня, піша Intex-press.
Падчас суда пацярпелы настаўнік не настойваў на суровым пакаранні для свайго крыўдзіцеля. «Я проста выканаў просьбу бацькі затрыманага, які падчас следства прыходзіў да мяне прасіць прабачэння за сына», — распавёў настаўнік, якому бацькі затрыманага хлопца таксама выплацілі кампенсацыю маральнага і матэрыяльнай шкоды ў памеры 15 млн рублёў.
Прысуд у дачыненні да 22-гадовага абвінавачанага быў вынесены 12 жніўня. Судом Баранавічаў і Баранавіцкага раёна ён быў асуджаны да 6 месяцаў арышту. Адбываць пакаранне малады чалавек будзе ў следчым ізалятары. Прысуд у законную сілу яшчэ не ўступіў і можа быць абскарджаны на працягу 10 дзён з моманту абвяшчэння.
Цяпер чытаюць
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе30
Каментары