У апошнія дні жніўня стане крыху цяплей, паведаміла карэспандэнту БЕЛТА інжынер-сіноптык Гідраметэацэнтра Вікторыя Мацвеенка .
У бліжэйшыя суткі, 30 жніўня, па краіне чакаецца воблачнае з праясненнямі, пераважна без ападкаў надвор'е. У начныя і ранішнія гадзіны месцамі згусцяцца туманы, якія пагоршаць бачнасць на дарогах да 300-800 м. Уначы тэмпература паветра складзе плюс 7-13 градусаў, месцамі — да 5-6. Днём тэрмометры пакажуць 17-22 вышэй за нуль.
У суботу ноччу па паўднёвым усходзе, днём месцамі пройдуць кароткачасовыя дажджы, ноччу і раніцай згусціцца туман. У начныя гадзіны тэмпература паветра складзе плюс 6-13 градусаў, днём чакаецца ад плюс 16 па паўднёвым усходзе да 21-23 са знакам плюс па захадзе краіны.
1 верасня надвор'е зноў пачне мяняцца: павялічыцца воблачнасць, узмоцніцца вецер. Таксама на большай частцы краіны пройдуць кароткачасовыя дажджы, не выключаны навальніцы . Уначы чакаецца плюс 6-13 градусаў , у дзённыя гадзіны — ад 16 да 21 вышэй за нуль , у паўднёвых раёнах — да плюс 23 градусаў
Цяпер чытаюць
Бабарыка, Золатава і яшчэ некалькі дзясяткаў былых палітвязняў заклікалі еўрапейскіх лідараў актыўней дамаўляцца наконт вызваленняў46
Каментары