Арганізатар бардаўскага канцэрту, адлічаны з унівэрсытэту, зьбіраецца судзіцца.
12 верасьня дэкан факультэту Сяргей Жогаль уручыў яму выпіску з загаду рэктара, у якой гаворыцца, што Жалезьнічэнка адлічаны 7 верасьня за «сыстэматычныя парушэньні правілаў унутранага распарадку».
Жалезьнічэнка актывіст краязнаўчай арганізацыі «Талака» і «Моладзі БНФ». Ён —выдатнік: мае сярэдні бал 9 за апошнія чатыры сэмэстры.
Дэкан спасылаецца на рашэньне гаспадарчага суду Гомельскай вобласьці аб прыцягненьні мяне да адміністратыўнай адказнасьці за незаконную прадпрымальніцкую дзейнасьць, што зьвязана з маім удзелам у арганізацыі ў Гомелі канцэрту беларускіх бардаў, — кажа Зьміцер. — Лічу сваё адлічэньне цалкам палітызаваным».
Сакратар прафкаму студэнтаў Тацяна Клімава заявіла, што ёй «па‑чалавечы вельмі шкада Зьмітра»: «І Ленін вучыўся добра, але яго адлічвалі з унівэрсытэту».
Прадстаўнікі прафкаму так і не змаглі назваць важкіх падставаў для адлічэньня Зьм.Жалезьнічэнкі, як і адказаць на пытаньне, што зрабіў прафкам для абароны правоў студэнта.
Сам Зьміцер зьбіраецца абскардзіць загад аб адлічэньні ў судзе. Сёньня ён накіраваў скаргу міністру адукацыі.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі84
Каментары