Дзяржсакратар Савету бясьпекі возьме ўдзел у пасяджэньні Камітэту сакратароў саветаў бясьпекі краін АДКБ.
Як паведамілі ў прэс‑цэнтры Дзяржаўнага сакратарыяту Савета бяспекі Беларусі, кіраўнікі апаратаў саветаў бяспекі краін АДКБ абмяркуюць вынікі беларускага старшынства ў гэтай арганізацыі і тэндэнцыі развіцця ваенна‑палітычнай абстаноўкі ў зоне адказнасці АДКБ, разгледзяць дакументы, што ўносяцца на пасяджэнне Савета калектыўнай бяспекі АДКБ, якое адбудзецца ў пачатку кастрычніка 2007 года ў Душанбэ.
У Бішкеку плануецца, у прыватнасці, разгледзець пытанні аб стварэнні Антытэрарыстычнага камітэта кіраўнікоў спецыяльных службаў і праваахоўных органаў дзяржаў ‑‑ удзельніц АДКБ, каардынацыйных саветаў кіраўнікоў кампетэнтных органаў па пытаннях барацьбы з нелегальнай міграцыяй і па надзвычайных сітуацыях. Таксама ўдзельнікі пасяджэння ўзгадняць пакет дакументаў па нарматыўным і арганізацыйным афармленні ў рамках АДКБ механізму міратворчай дзейнасці і шэраг іншых дакументаў.
Чакаецца, што кіраўнікоў дэлегацый прыме прэзідэнт Кыргызстана Курманбек Бакіеў.
Цяпер чытаюць
Бетанаваць грошы — нацыянальная ідэя беларусаў? Параўналі тэмпы будаўніцтва ў Беларусі, Польшчы, Літве і Латвіі7
Каментары