Беларусь увяла часовыя абмежаванні на ўвоз птушкі з Ізраіля
Беларусь уводзіць часовыя абмежаванні на ўвоз птушкі з Ізраіля. Адпаведнае ўказанне 16 верасня падпісаў намеснік галоўнага дзяржаўнага ветэрынарнага інспектара Беларусі Аляксандр Куцко.
У прыватнасці, з 17 верасня ўводзіцца абмежаванне на ўвоз з Паўднёвай акругі Ізраіля жывой птушкі, інкубацыйнага і жывога яйка, мяса птушкі, усіх відаў птушкагадоўчай прадукцыі і прадуктаў яе перапрацоўкі, пуху і пяра, кармоў і кармавых дадаткаў жывёльнага паходжання.
Як паведамляе дэпартамент ветэрынарнага і харчовага нагляду Мінсельгасхарчу, гэта рашэнне прынята ў мэтах недапушчэння заносу ў Беларусь узбуджальніка хваробы Ньюкасла, выпадак якой зарэгістраваны на тэрыторыі Ізраіля.
Хвароба Ньюкасла (псеўдачума птушак, ці азіяцкая чума птушак) — вострае інфекцыйнае віруснае захворванне птушак, якое характарызуецца пнеўманіяй, энцэфалітам і шматлікімі кропкавымі гемарагічнымі паражэннямі ўнутраных органаў.
Захворванне ўяўляе вялікую пагрозу свойскай птушцы ў сувязі з яе высокай адчувальнасцю да вірусу. Пры вострым працяканні хваробы Ньюкасла смяротнасць сярод маладняку дасягае 100%, а кураняты, якія перахварэлі, дрэнна растуць.
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары