У Мінску адклалі пашырэнне трэцяй лініі метро да Зялёнага Луга, прыярытэтам зрабілі 4‑ю лінію
Планы дабудаваць трэцюю лінію мінскага метро да мікрараёна Зялёны Луг застаюцца ў сіле, аднак будаўніцтва новых станцый у гэтым кірунку часова адкладзена. Зараз прыярытэтам для горада стане ўзвядзенне першага ўчастка чацвёртай лініі. Пра гэта ў эфіры СТБ распавёў першы намеснік дырэктара і галоўны інжынер інстытута «Мінскметрапраект» Георгій Пратасаў.
Паводле яго слоў, ад праекта працягу трэцяй лініі не адмаўляюцца. У будучыні станцыя «Лагойская» мусіць стаць важным транспортна-перасадачным вузлом для пасажыраў з Лагойска ў межах інтэграцыі гарадоў-спадарожнікаў у транспартную сістэму сталіцы.
Аднак пакуль горад аддаў перавагу 4‑й лініі, прычым першапачатковыя планы па яе будаўніцтве таксама скарэктавалі.
Першы ўчастак чацвёртай лініі пачнуць праектаваць і будаваць ад станцыі «Плошча Бангалор» у заходнім кірунку — у бок вуліцы Харкаўскай, а не ў цэнтр да «Акадэміі навук», як планавалася раней.
Паводле Пратасава, даследаванні паказалі, што менавіта кірунак у бок вуліцы Харкаўскай зараз з'яўляецца найбольш запатрабаваным для сталічнай транспартнай інфраструктуры.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары