У Ганцавіцкім раёне раніцай 21 верасня быў знойдзены 20-гадовы мясцовы жыхар, які двума днямі раней пайшоў у лес па журавіны і знік.
Да пошуку зніклага жыхара вёскі Раздзяловічы ратавальнікі падключыліся 21 верасня, пасля таго як у 7.45 у службу па НЗ Ганцавіцкага раёна звярнуўся старшыня Хатыніцкага сельскага савета з просьбай аказаць дапамогу ў вышуку маладога чалавека.
У 8.20 да месца пошуку выехалі ратавальнікі, супрацоўнікі міліцыі, работнікі Раздзяловіцкага лясніцтва, мясцовыя жыхары (усяго 19 чалавек) і тры адзінкі тэхнікі. У 10.45 прыкладна за 10 км ад вёскі Раздзяловічы зніклы хлопец выйшаў на гук аўтамабільнай сірэны. Стан маладога чалавека здавальняе, у медыцынскай дапамозе не мае патрэбы.
Паводле інфармацыі Ганцавіцкага РАУС, 20 верасня прыблізна ў 17.00 у міліцыю звярнулася сваячка зніклага мужчыны. Жанчына паведаміла, што яе пляменнік прыкладна а 8-й раніцы 19 верасня пайшоў у лес па ягады і дагэтуль не вярнуўся. Пасля гэтага былі арганізаваны пошукавыя мерапрыемствы.
Цяпер чытаюць
«Вы прыйшлі сюды лохамі, а станеце драпежнікамі». Як працуюць мінскія кол-цэнтры скамераў5
Каментары