Паводле ірацкіх уладаў, не менш за 47 чалавек загінулі і больш за 100 атрымалі раненні ў выніку серыі аўтамабільных выбухаў у сталіцы краіны Багдадзе, паведамляе Бі-Бі-Сі.
Мэтай нападаў былі рынкі і паркоўкі, у асноўным у шыіцкіх раёнах горада. У апошнія месяцы Ірак захліснула хваля гвалту. З пачатку гэтага года, па дадзеных ААН, у краіне было забіта ад чатырох да пяці тысяч чалавек.
Выбухі ў панядзелак прагучалі падчас ранішняй гадзіны пік. Паведамляецца аб трынаццаці бомбах, узарваных у асноўным у шыіцкіх раёнах.
Паведамленне аб адным з самых кровапралітных нападаў паступіла з прыгарада Садр-сіці (Мадынат-эс-Садр ), дзе на агароднінным рынку загінулі сем і атрымалі раненні 75 чалавек.
Яшчэ шэсць чалавек загінулі ў Шуала — іншым шыіцкім раёне. Дзесяткі чалавек таксама загінулі ў іншых прыгарадах сталіцы Ірака.
Ні адна з груповак пакуль не ўзяла на сябе адказнасць за выбухі, аднак ва ўплёску гвалту ў краіне вінавацяць суніцкіх паўстанцаў.
Міністэрства ўнутраных спраў абвінаваціла баевікоў, звязаных з «Аль-Каідай», у выкарыстанні палітычных сварак і рэгіянальных канфліктаў для распаўсюджвання гвалту.
-
«Спыніць сітуацыю, калі людзі знаходзяцца на ўтрыманні дзяржавы ад самага прыезду». Ірландыя прапануе ўкраінцам «шчодрыя» выплаты за вяртанне дадому
-
Праз канфлікт з Папам Рымскім Трамп пачаў страчваць падтрымку выбаршчыкаў. У Вашынгтоне загаварылі пра прымірэнне
-
У Томску знеслі помнік рэпрэсаваным: сярод іх былі дэпартаваныя з Беларусі палякі, а таксама беларусы, якіх прымушалі змяняць нацыянальнасць
Цяпер чытаюць
Максім Знак: Мы з Ціханоўскай зайшлі падаваць скаргу ў кабінет Ярмошынай — але Ярмошынай там не было59
Каментары