Кожная шостая замужняя жанчына на працягу цэлага года або даўжэй не дазваляе мужу бачыць сябе цалкам аголенай з-за няўпэўненасці ва ўласнай прывабнасці. Пры гэтым 40% жанчын лічаць, што такая сарамлівасць шкодзіць іх сямейнаму жыццю.
Брытанскія сацыёлагі апыталі 1902 жанчыны па ўсёй краіне, каб даведацца, наколькі яны ўпэўненыя ў сабе і ўласным целе. Як вядома, сумневы ў прывабнасці і няўпэўненасць у сабе — самы распаўсюджаны жаночы комплекс, які часам нават пераважвае сумневы з-за ўласнай вагі.
Высветлілася, што кожная шостая жанчына саромеецца цалкам распранацца перад сваім мужам. І яна не агалялася ў яго прысутнасці жонка ўжо на працягу 12 месяцаў ці даўжэй.
Палова з жанчын, якія адмаўляюцца распранацца перад мужамі, робяць так з-за няўпэўненасці ва ўласнай прывабнасці, а траціна вінаваціць нізкае лібіда.
Прыкладна 40 % апытаных заявілі, што з-за падобнай сарамлівасці пакутуе іх сямейнае жыццё, а ў 36 % сталыя спробы прыкрыць галізну ў прысутнасці мужа нават прыводзілі да сямейных сварак і канфліктаў.
«Упэўненасць ва ўласным целе — гэта значны элемент жаночай сэксуальнасці, і яе недахоп нараджае шматлікія праблемы, — кажа Сара Бэйлі з фармацэўтычнай кампаніі UKMedix.com, якая замовіла апытанне. — Вельмі высокі адсотак замужніх жанчын не дазваляе сваім мужам бачыць сябе без адзення.
Жанчыны павінны памятаць, што нават калі ім і не падабаецца ўласнае цела, існуе верагоднасць таго, што мужчына яго любіць, і не варта ахвяраваць сям'ёй і адносінамі з-за няўпэўненасці ў сабе».
Цяпер чытаюць
«Больш за 10 чалавек выехалі ў Еўропу — і гэта толькі з майго аддзялення». Рэаніматолаг з райцэнтра шчыра апісаў будні беларускай медыцыны26
Каментары