Уладальнікі кампаніі «Еўрагандаль» (рознічная сетка крамаў «Еўраопт») збіраюцца да 2015 года пабудаваць некалькі буйных гандлёвых цэнтраў у Мінску.
Гэтую інфармацыю пацвердзіў дырэктар сеткі Андрэй Зубкоў пасля акцыі ў падтрымку маладых беларускіх тэнісістаў.
«Шэсць новых праектаў уваходзяць у фазу будаўніцтва. 4 крамы знаходзяцца цяпер на рэканструкцыі», —
сказаў Зубкоў, каментуючы планы кампаніі па развіцці сеткі ў Мінску. Усяго ў Беларусі ў сетцы «Еўраопт» налічваецца 150 крамаў, з іх 30 — у сталіцы.
Самы буйны праект, які рэалізуе даччыная структура «Еўрагандлю» «Маяк Інвест», — гэта будаўніцтва гандлёва-забаўляльнага цэнтра з убудаваным паркінгам і дзевяціпавярховым адміністрацыйна-бытавым комплексам. Ён размесціцца ў межах вуліц Маякоўскага — Дзянісаўская — Сямёнава. Агульная плошча — каля 53 тыс. кв.м. Увесь аб'ект плануецца здаць да канца 2014 года. «Там будзе гіпермаркет «Еўраопт» плошчай 6-6,5 тыс. кв.м. Наша сетка бытавой тэхнікі. Астатняе будзем здаваць у арэнду», — сказаў Зубкоў.
Паводле дадзеных інвестыцыйнага атласа Мінска, «Еўрагандаль» плануе пабудаваць гіпермаркет «Еўраопт» па пр. Партызанскім — МКАД плошчай 10 тыс. кв.м, а таксама гандлёва-забаўляльны цэнтр у мікрараёне Каменная Горка (6 тыс. кв.м). «На гэтых аб'ектах заканчваецца праца па праектаванні. Можа быць, да канца года выйдзем на пляцоўкі [і прыступім да будаўніцтва]. Каб увесці такі цэнтр, трэба 10-12 месяцаў», — сказаў Зубкоў.
Аб іншых планах Андрэй Зубкоў не гаворыць, таму што не ведае, што «скажа новы закон аб гандлі, якую для нас долю на рынку вызначыць».
Нядаўна «Еўрагандаль» падпісаў мемарандум з Ашчадным банкам Расіі на адкрыццё крэдытнай лініі да 150 млн даляраў.
«Сродкі будуць падавацца па меры нашай патрэбы», - сказаў Зубкоў.
Варта нагадаць, што ў мінулым годзе расійскі Альфа-банк даў сіндыкаваны 5-гадовы крэдыт «Еўрагандлю» на суму 100 млн даляраў. Па словах Андрэя Зубкова, крэдыт «ужо засвоены».
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары