Паўабаронца зборнай Беларусі Рэнан Брэсан блізкі да падпісання кантракта з бразільскім клубам «Крысіўма».
Чэмпіянат Бразіліі ўжо завяршаецца, і Рэнан Брэсан можа стаць першым набыццём «Крысіўмы» ў міжсезонне. Дамоўленасць з футбалістам ўжо маецца, пагадненне паміж бакамі можа быць падпісана пасля нядзельнага матчу «Крысіўмы» з «Віторыяй», які пройдзе ў рамках 36-га тура нацыянальнага першынства.
Усё залежыць ад таго, ці захавае патэнцыйны клуб Брэсана прапіску ў бразільскай Серыі А.
На гэты момант каманда з штата Санта-Катарына [дарэчы, штат, у якім нарадзіўся Рэнан Брэсан — НН] займае 14-ы радок у турнірнай табліцы (у чэмпіянаце Бразіліі бярэ ўдзел 20 клубаў, праводзіцца 38 тураў — НН), толькі на адзін пункт апярэджваючы «Карытыбу», якая знаходзіцца ў зоне вылету [вылятае чатыры каманды].
«Крысіўма» — бразільскі футбольны клуб з аднайменнага горада ў штаце Санта-Катарына. Гэта адзін з чатырох наймацнейшых клубаў свайго штата поруч з «Фігейрэнсе», «Аваі» і «Жаінвілем».
У 2012 годзе «Крысіўма» выйшла ў Серыю A. У свой час за гэты клуб пагулялі Марыа Жардэл, Даніэл Карвальё, Дуглас дас Сантас, а ў 1991 годзе ўзначальваў каманду Луіш Фэліпэ Скалары. Менавіта пад яго кіраўніцтвам «Крысіўма» дасягнула найбольшага поспеху ў сваёй гісторыі, заваяваўшы Кубак Бразіліі.
Рэнан Брэсан у канцы 2012 г. перайшоў з БАТЭ з расійскую «Аланію», якая потым вылецела ў першую лігу і зазнала фінансавыя цяжкасці.
Брэсан, якому не плаціўся заробак, урэшце разарваў кантракт з расійскім клубам і выехаў у Бразілію.
-
Сёння на Алімпіядзе паспрабуюць паўторна выступіць фрыстайлісткі, а таксама ў горных лыжах паспаборнічае Марыя Шканава
-
Гэты спартсмен самы хуткі на лёдзе. Эксперты бачаць яго будучыню і ў веласпорце
-
Скандал у Лізе чэмпіёнаў: матч «Бенфіка» — «Рэал» перапынілі на 10 хвілін з-за скаргі Вінісіуса на расісцкую абразу
Каментары