Генерал-маёр, Герой Украіны Яўген Беразняк памёр у Кіеве на 99-м годзе жыцця.
Прэзідэнт Украіны Віктар Януковіч выказаў спачуванні родным і блізкім ветэрана.
Яўген Беразняк да вайны працаваў настаўнікам, затым узначальваў Львоўскі гараддзел адукацыі. У 1941 годзе ўключыўся ў падпольную барацьбу з немцамі, быў прапагандыстам і сувязным.
У 1943-м яго накіравалі ў школу Галоўнага разведвальнага ўпраўлення, пасля якой ён узначаліў групу ваенных разведчыкаў пад кодавай назвай «Голас».
У ноч на 19 жніўня 1944 група дэсантавалася ў Польшчы, пад Кракавам, і выконвала баявое заданне 156 дзён. Яго камандзе ўдалося знайсці план мініравання Кракава, сабраць і перадаць інфармацыю аб дыслакацыі нацысцкіх войскаў.
Але за працу ўлады адплацілі яму лагерамі і праверкамі.
Рэч у тым, што пасля аперацыі Беразняк трапіў у гестапа, але змог выбрацца. За такое геройства яго і пасадзілі ў фільтрацыйны лагер у Падольску.
Канчаткова Беразняка рэабілітавалі толькі ў 1965 годзе. Пра яго быў напісаны раман Юліяна Сямёнава і зняты аднайменны фільм.
Каментары