Прэм'ер-міністр Украіны Мікалай Азараў спадзяецца, што на паседжанні расійска-ўкраінскай міждзяржкамісіі ў Маскве 17 снежня канчаткова атрымаецца вырашыць пытанне цаны на газ, зніжэння якой дамагаецца Кіеў.
Пра гэта паведамляе РІА «Навіны» са спасылкай на тэлеканал «Інтэр».
«Перш за ўсё мы значна скарацілі аб'ём закупак расійскага газу, а Расія ў сваю чаргу значна скараціла прапампоўку газу праз нашу тэрыторыю. Гэта прывяло да таго, што наша газатранспартная сістэма па сутнасці пачала прыносіць Украіне страты і зрабілася нерэнтабельнай», - заявіў прэм'ер у эфіры ўкраінскага тэлеканала.
Па словах Азарава, калі казаць пра цану на газ, якую хоча атрымаць Кіеў, то гаворка ідзе пра сярэднееўрапейскія цэны.
«Яна можа быць усталяваная на ўзроўні сярэднееўрапейскіх цэнаў, прынамсі, так мы абмяркоўвалі з нашымі расійскімі партнёрамі гэтае пытанне, але яшчэ раз падкрэсліваю, што канчатковае рашэнне будзе прынятае на сустрэчы двух прэзідэнтаў», — адзначыў прэм'ер.
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары