Джыпу, прыпаркаванаму на газоне, запенілі мантажнай пенай усе дзверы - фота
Здарылася гэта ў Бярозаўцы.
Кіроўцу з горада Бярозаўка Лідскага раёна Гродзенскай вобласці жорстка пакаралі за паркоўку на газоне ў двары дома. Ноччу невядомыя мала таго, што пракалолі ўсе чатыры колы яго пазадарожніка, дык яшчэ і запенілі будаўнічай мантажнай пенай усе дзверы аўтамабіля.
Пабачыўшы раніцай сваё аўто, кіроўца выклікаў на месца здарэння следча-аператыўную групу. Па факце наўмыснага пашкоджання маёмасці ўпраўленне Следчага камітэта Беларусі па Гродзенскай вобласці распачало крымінальную справу.
Каментары