FT: Расія і Лацінская Амерыка стануць наступнымі «зоркамі» сланцавай нафты
Прадстаўнікі адной з найбуйнейшых сусветных нафтавых кампаній, брытанскай British Petroleum, лічаць, што здабыча сланцавай нафты зробіць скачок у Расіі і Лацінскай Амерыцы цягам двух дзесяцігоддзяў,
спарадзіўшы надзеі, што амерыканская «сланцавая рэвалюцыя» можа быць прайграная ў любым іншым месцы, піша The Financial Times.
У дакладзе BP гаворыцца, што Расія будзе вырабляць 800 тысяч барэляў сланцавай нафты ў дзень да 2035 года, а Паўднёвая Амерыка — каля 700 тысяч барэляў у дзень.
Выданне адзначае, што гэты прагноз кантрастуе з чаканнямі Міжнароднага энергетычнага агенцтва, агучанымі ў лістападзе. У дакладзе агенцтва гаварылася, што «сланцы» будуць мець абмежаваны ўплыў на рынак нафты, а іх вытворчасць да 2035 года будзе ў заняпадзе.
BP, наадварот, лічыць, што здабыча сланцавай нафты будзе імкліва расці наступныя два дзесяцігоддзі.
Рэзкі скачок здабычы сланцавай нафты ў ЗША ўжо прывёў да трансфармацыі глабальнага нафтавага рынку, знізіўшы попыт Амерыкі на імпарт нафты і прымусіўшы імпарцёраў, такіх як Саудаўская Аравія і Венесуэла, звярнуць больш увагі на азіяцкі рынак, які хутка расце.
Такія кампаніі, як Royal Dutch Shell і Chevron ужо вядуць актыўную разведку нафты ў расійскім радовішчы «Бажэнаў» і аргентынскім «Вака-Муэрта», а Упраўленне энергетычнай інфармацыі ЗША заявіла, што расійскія рэсурсы сланцавай нафты перавышаюць амерыканскія, гаворыцца ў публікацыі.
Цяпер чытаюць
«Казаў, што знішчыць мяне, бо ў яго сувязі і пагоны». Былая жонка ваюе з падпалкоўнікам. Таго панізілі да ўчастковага6
Каментары