Прэзідэнт ЗША Барак Абама апублікаваў планы рэфармавання Агенцтва нацыянальнай бяспекі пасля міжнароднага скандалу, выкліканага выкрыццямі экс-супрацоўніка спецслужбаў ЗША Эдвардам Сноўдэнам.
У сваёй прамове ў Вашынгтоне Абама заклікаў спыніць перахоп тэлефонных размоў мільёнаў амерыканцаў.
Ён таксама запэўніў кіраўнікоў і грамадзян дзяржаў, якіх ЗША лічаць саюзнікамі, што амерыканскія спецслужбы не будуць адсочваць іх тэлефонныя перамовы і смс, калі толькі гэта не будзе абумоўлена патрабаваннямі бяспекі.
Прэзідэнт Абама таксама заявіў, што аперацыі па зборы дадзеных АНБ абаранялі Амерыку на працягу дзесяцігоддзяў, але зараз трэба пераканацца, што правы і свабоды простых людзей не былі прынесеныя ў ахвяру.
Каментары