CNN выбачылася за ўключэнне манумента «Мужнасць» у Брэсце ў спіс самых пачварных у свеце
Рэдакцыя тэлеканала CNN прынесла прабачэнні за ўключэнне беларускага манумента «Мужнасць» у спіс самых пачварных помнікаў свету. Адпаведная заява размешчана на афіцыйным сайце тэлеканала ў выглядзе папраўкі да першапачатковага матэрыялу.
«Мы зразумелі, што згадка ў нашым спісе Брэсцкай крэпасці абразіла жыхароў Беларусі», — гаворыцца ў заяве.
Рэдакцыя падкрэсліла, што спіс толькі меў на мэце ў жартаўлівай форме пазнаёміць чытачоў з помнікамі з усяго свету.
У заяве CNN адзначаецца важнасць манумента для мноства людзей, якія яшчэ памятаюць ахвяры абаронцаў крэпасці. У той жа час, прыбіраць помнік з спісу самых пачварных збудаванняў свету рэдакцыя не стала.
У Беларусі гэтае ўключэнне атрымала рэзананс.
Нагадаем, што амерыканская кампанія CNN склала спіс самых выродлівых помнікаў свету. У яго ўвайшоў і манумент «Мужнасць», які знаходзіцца ў Брэсцкай крэпасці.
Складальнікі спісу назвалі скульптуру «Раззлаваным беларусам, які з'яўляецца з велізарнага бетоннага блока». Па іх словах, помнік «сімвалізуе сабой перамогу Савецкага Саюза ў Вялікай Айчыннай вайне. Таксама ён служыць напамінам не звязвацца з Беларуссю — ніколі».
Акрамя знакамітай брэсцкай «галавы» у спіс трапілі такія помнікі, як «Размова з Оскарам Уайлдам» ў Лондане, «Sam Hill's Stonehenge» у Вашынгтоне, помнік Папу Рымскаму Яну Паўлу Другому ў Рыме ды інш.
«Гэтая падборка сентыментальных памылак і занадта грузных твораў мастацтва можа паслужыць прыкладам безгустоўшчыны і перабору ў галіне крэатыву, хоць дыктатары і іх мастацкія камітэты ў свой час лічылі ўсё гэта выдатнай ідэяй», — паведамляе CNN.
Расказваюць, што першапачаткова архітэктар Кібальнікаў планаваў зрабіць манумент не большым за 7 метраў, але кіраўніцтву гэтага здалося мала, таму было вырашана павялічыць памеры да 36 метраў. Але і гэта было не ўсё. Пры канцы існавання СССР з'явіўся праект дабудовы за манументам яшчэ большага бетоннага блока, каб павялічыць яго маштаб. Але з распадам СССР гэты гігантаманскі план сарваўся.
Каб стварыць лепшы від на манумент, пашкоджаны ў часе вайны «Белы палац» перад манументам (былы ўніяцкі манастыр) быў знесены амаль да падмуркаў. Гэта павінна было падмацаваць метафару «Руіны страляюць».
і
Апытанка
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам24
Каментары