Дэпутат-рэгіянал: Януковіч разумее, што зачысткай Майдану нічога не вырашыш
Прадстаўнік прэзідэнта Украіны ў Вярхоўнай Радзе Юрый Мірашнічэнка пацвердзіў, што Януковіч сустракаўся з намеснікам Цімашэнкі Аляксандрам Турчынавым і не зацікаўлены ў сілавым варыянце.
Пра гэта ён заявіў у эфіры «Грамадскага ТБ». Рэгіянал кажа, што такія дзеянні, як сцягванне БТРаў не спрыяюць паніжэнню градусу ў канфлікце. На думку Мірашнічэнкі, цяпер трэба рабіць усё, каб мірна выйсці з гэтай сітуацыі.
Ён адзначыў, што падзеі аўторка — гэта выхад за межы дамоўленасцей, і прапанаваў зафіксаваць статус-кво і пачаць праз дыялог выходзіць на разблакаванне.
Мірашнічэнка кажа, што асабіста чуў, як лідары апазіцыі тэлефанавалі палявым камандзірам і казалі «адводзьце людзей».
На думку Мірашнічэнкі, у падзеях аўторка дзейнічала логіка вайны, «якая дзеліць на сваіх і чужых, калі свой заўсёды мае рацыю, а чужога пабіць і зняважыць».
Па словах Мірашнічэнкі, Януковіч разумее, што зачыстка Майдану нічога не вырашыць:
«Прэзідэнт таму сёння і сустракаўся з Турчынавым, а заўтра будзе сустракацца з лідарамі апазіцыі бо яго пазіцыя — не ў канфрантацыі і канфлікту», — сказаў прадстаўнік Януковіча ў ВР.
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары