Смс‑акцыя «Schowaj babci dowód» — ідзе ў Польшчы напярэдадні выбараў.
Пару гадоў таму мы з братцам, наслухаўшыся чарговага вітка сварак паміж маці і бабуляй пра палітыку, прыдумалі жарт «Ратуй Беларусь, схавай бабулін пашпарт». Дакладней, я прыдумала, а брат адразу панёс кудысьці ў інтэрнэт. Вярнуўся з інтэрнэту з навіной, што ва ўкраінцаў падчас выбараў казалі так сама. І вось цяпер аказваецца, што ідэя неяк ну вельмі густа вісіць у паветры. Смс‑акцыя «Schowaj babci dowód» — галоўная моладзевая мема ў Польшчы напярэдадні выбараў. За партыю PiS — калі верыць маім польскім таварышчам, гэта нейкія правыя, палітычны апакаліпсыс,‑ галасуюць у асноўным пэнсыянэры. Пачалі ўсё, ясны пень, блогеры.
Адбываецца нейкі, наколькі гэта ўвогуле магчыма ў мала інтэрнэтзалежных палякаў, «превед‑медвед»: уся краіна атрымлівае адну і тую ж смску:
Хутка выбары. Трэба ўратаваць гэтую краіну. Таму пачалася акцыя «Схавай бабулін пашпарт». Перадай далей, гэта не «ланцужок», гэта ратаваньне Дзяржавы», ‑
Пачынаюцца варыяцыі жарту — маўляў, некаторыя студэнты ўрачыста абяцаюць асабіста завесьці сваіх бабуляў на выбарчыя ўчасткі (гы‑гы, усё адно пашпарт схаваны). Бачыла ў часопісе «Wprost» карыкатуру, дыялёг паміж дзьвюма бабкамі:
— Ты чула пра акцыю «Схавай бабулін пашпарт»?
— Чула. Я свой трымаю ў надзейным месцы.
— У якім?
— Ня помню.
А ўвогуле посткамуністычныя краіны зараз падобныя да габрэяў, якіх Майсей вядзе па пустыні, годзе так на 25‑тым. Маладыя, што нарадзіліся па дарозе, падрасьлі, яны хочуць новага, нарэшце не ісьці а сесьці на месцы і нармальна пажыць, але Бог на вушка сказаў Майсею, што пакуль астатні егіпецкі раб не памрэ, у Ханаан ні нагой, маладыя прасяклі гэтую фішку, і таму у думках жадаюць бабулям і дзядулям, а заадно і бацькам, каб жа яны былі здаровыя…
Цяпер чытаюць
Бабарыка: Калі б мы перамаглі — вайны ва Украіне не было б19
Каментары